काठमाडौँ । अब तपाईँ-हाम्रो खल्तीमा खनकिने एक रुपैयाँको सिक्काको रूप-रङ्ग बदलिनै लागेको छ। सरकारले राष्ट्रिय स्वाभिमान र सांस्कृतिक धरोहरलाई एकै ठाउँमा समेट्दै एक रुपैयाँको नयाँ सिक्का बजारमा ल्याउने अन्तिम तयारी गरेको छ।
अर्थ मन्त्रालयका अनुसार नयाँ सिक्काको एकातिर नेपालको नयाँ ‘चुच्चे नक्सा’ र अर्कातिर ऐतिहासिक एवं धार्मिक महत्त्वको ‘आकाश भैरव’ को आकृति कुँभिनेछ।
अबको प्रक्रिया
-
- स्वीकृतिको पर्खाइ: सिक्काको नयाँ डिजाइन पूर्ण रूपमा तयार भइसकेको छ। अब बस्ने मन्त्रिपरिषद् (क्याबिनेट) बैठकमा यो प्रस्ताव पेस गरिनेछ।
- छपाई र बजार आगमन: क्याबिनेटबाट हरियो झण्डा पाउनेबित्तिकै नेपाल राष्ट्र बैंकमार्फत सिक्का छपाइको काम अघि बढ्नेछ र सर्वसाधारणको प्रयोगका लागि बजारमा पठाइनेछ।
किन गरियो त फेरबदल?
देशको सार्वभौमसत्ता र मौलिक सांस्कृतिक पहिचानलाई जनस्तरसम्म पुर्याउने उद्देश्यले सिक्कामा यी दुवै महत्त्वपूर्ण प्रतीकहरू समावेश गरिएको हो।
छिट्टै नै नयाँ अवतारमा आउने यो सिक्काले हाम्रा सांस्कृतिक पहिचान र राष्ट्रिय नक्सालाई प्रत्येक नागरिकको हात-हातमा पुर्याउनेछ।
