वीरगञ्ज । राष्ट्रिय स्वतन्त्र पार्टी (रास्वपा) बाट पर्सा क्षेत्र नम्बर १ का उम्मेदवार हरि पन्तलाई वीरगञ्ज भन्सार क्षेत्रका स्थानीय बासिन्दाहरूले भव्य स्वागत गरेका छन्।
निर्वाचन लक्षित जनभेटघाटमा पन्त त्यस क्षेत्रमा पुग्दा स्थानीयहरूले उत्साहजनक प्रतिक्रिया दिएका हुन्।
भेटघाट कार्यक्रममा वीरगञ्ज भन्सार एजेन्ट संघका पूर्व अध्यक्ष विजय साहसहितका स्थानीयवासीले रास्वपाप्रति ऐक्यबद्धता जनाएका थिए। उनीहरूले देशमा आमूल परिवर्तन, सुशासन र समृद्धिको यात्रा सुनिश्चित गर्न रास्वपाको विकल्प नभएको उल्लेख गर्दै आफूहरू निस्वार्थ रूपमा सहयोग गर्न तयार रहेको बताए।
पन्तले स्थानीयहरूसँग प्रत्यक्ष संवाद गर्दै पार्टीको मुख्य नीति, पारदर्शिता र जवाफदेही राजनीतिको महत्त्वबारे प्रष्ट पारेका थिए।
देशलाई भ्रष्टाचारमुक्त बनाउँदै विकासको बाटोमा लैजान रास्वपाले लिएको उद्देश्यबारे उनले जानकारी गराउदै
रास्वपाले आगामी दिनहरूमा पनि जनस्तरमा पुगेर नागरिकका समस्या सुन्ने र सहभागितामूलक कार्यक्रमलाई निरन्तरता दिने प्रतिबद्धता व्यक्त गरेका छन।
पन्तको भेटघाट कार्यक्रमले स्थानीय स्तरमा रास्वपाप्रतिको आकर्षण बढेको र युवादेखि अनुभवी व्यवसायिक व्यक्तित्वहरूको समेत साथ मिलेको देखिएको छ।
